Po tentonte të kontrabandonte emigrantë, arrestohet një person

22:56 | 10 Qershor 2021

Një person ka përfunduar në pranga të Policisë së Kosovës nën përfshirje në veprën ‘kontrabanda me emigrant’.

Siç bënë të ditur i dyshuari me targa italiane po tentonte të kontrabandonte pesë persona, dy prej tyre shtetas të Sllovakisë, dhe tre kosovarë, dy prej tyre të mitur, shkruan arbresh.info

“Sot, më 10.06.2021, rreth orës 12:01 në Pikën e Kalimit Kufitar (PKK) Merdare në dalje të Republikës së Kosovës, gjatë procedurave kufitare të kontrollit të automjeteve dhe udhëtarëve është kontrolluar një veturë me targa italiane. Në veturë ishin pesë persona dy shtetas të Sllovakisë (nënë e djalë, vitet e lindjes 1986 dhe 2017), një mashkull kosovar Q.P. viti i lindjes 1996 dhe dy të mitur meshkuj kosovarë”, bënë të ditur policia.

Policia gjatë trajtimit të personave krijojnë dyshimin se mund të jetë ky një rast i trafikimit me emigrant. Policia ka intervistuar të dyshuarin Q.P. në prezencë të avokatit të tij. Po ashtu janë intervistuar edhe dy viktimat (të miturit, meshkuj kosovarë) në prezencë të prindërve të tyre.

“Gjatë procedurave të intervistimit dhe provave tjera, dyshohet se dy të miturit, meshkuj kosovarë, kishin marrëveshje paraprake me të dyshuarin që të dërgoheshin në Itali pa poseduar dokumente për të lëvizur në zonën shengen”, raporton policia.

Për rastin është njoftuar prokurorja kujdestare me aktvendim të së cilës i dyshuari dërgohet në mbajtje nën dyshimin e përfshirjes në veprën penale ‘kontrabanda me emigrant’./arbresh.info/

Lajmet më të lexuara