Plaçkitja e armatosur e një banke në Prishtinë, policia jep detaje

16:26 | 12 Janar 2021

Sot gjatë ditës është grabitur Banka Ekonomike në Prishtinë.

Këtë e ka konfirmuar për Arbresh.info, zëdhënësi i Policisë për rajonin e Prishtinës, Agron Burovci.

“Rreth orës 15:00 është raportuar për një grabitje të ndodhur në filialin e një institucioni financiar në rrugën “Dëshmorët e Kombit” në Prishtinë .Pas marrjes së informacionit policia ka dalë në vendngjarje dhe bazuar në informacionet e para janë ngritur dyshimet se një i dyshuar që po ashtu dyshohet të kishte dhe armë me vete ka grabitur një vlerë të caktuar parash dhe ka ikur nga vendi i ngjarjes”, ka thënë ai.

Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit.

Shpërndaje në rrjete sociale

Lajmet më të lexuara