Diplomati austriak, Wolfgang Petrisch ka folur për bombardimet e NATO-s në caqet e ushtrisë dhe policisë serbe 25 vite më parë.

Në një intervistë për gazetën serbe Danas, Petrisch ka thënë se Shtetet e Bashkuara të Amerikës kanë dashur t’i dërgojnë forcat ushtarake menjëherë pas Masakrës së Reçakut, por sipas tij evropianët kishin insistuar nisjen e negociatave fillimisht, transmeton Klankosova.tv

“SHBA-të donin të dërgonin menjëherë forcat ajrore, por ne evropianët këmbëngulëm se tani ishte koha për të ftuar të dyja palët për të filluar negociatat serioze, bazuar në një marrëveshje të përkohshme që të dyja palët e kishin njohur prej shumë muajsh. Rambujeja ishte me të vërtetë më shumë se vullneti politik për të gjetur një zgjidhje kompromisi”, tha austriaku.

“Që nga tetori 1998, ekziston një i ashtuquajtur urdhër aktivizimi i NATO-s, hapi i fundit përpara ndërhyrjes aktuale ushtarake. Disa ambasada evakuuan zyrat e tyre dhe u larguan nga Beogradi. Ata u kthyen shpejt sepse Millosheviqi tërhoqi një pjesë të forcave të tij nga Kosova dhe lejoi Misionin Verifikues të OSBE-së të hynte në Kosovë. Pra, ishte një situatë shumë e rëndë tashmë në fund të vitit 1998. Por pas një periudhe të shkurtër qetësie, konflikti vazhdoi dhe përfundoi vetëm në Reçak në mesin e janarit 1999, ku forcat speciale vranë 45 civilë. Kjo masakër ndryshoi lojën”, theksoi diplomati Wolfgang Petrisch.

Diplomati austriak Wolfgang Petrisch, ishte përfaqësues i Bashkimit Evropian në negociatat që u zhvilluan në Rambuje.