Kryetari i Prishtinës, Përparim Rama, është pritur në takim në Organizatën e Veteranëve të Luftës.

Rama thotë se Kryeqyteti është i vetmi qytet në Kosovë dhe rajon që ka themeluar sektorin për mbrojtjen e kategorive të dala nga lufta në kuadër të kabinetit të Kryetarit.

Tutje ai thotë se do ta vazhdojë mbështetjen.

”Kryeqyteti është i vetmi qytet në Kosovë dhe rajon që ka themeluar sektorin për mbrojtjen e kategorive të dala nga lufta në kuadër të kabinetit të Kryetarit. Kemi përkrahur dhe do të vazhdojmë të përkrahim lavdinë tonë kombëtare. Sot, organizatat e veteranëve të luftës na pritën në vizitë dhe bashkë biseduam për vazhdimësinë e punës dhe bashkëpunimit tonë. Të bashkuar gjithmonë për të mirën e vendit!”, ka shkruar Rama në Facebook./Arbresh.info/