Ministrja e Drejtësisë, Albulena Haxhiu ka reaguar pas përjashtimit të Besnik Mujecit nga Lëvizja Vetëvendosje.

Përmes një postimi në Facebook, Haxhiu ka njerëzit e tillë nuk kanë vend në Lëvizje, shkruan Arbresh.info.

E para e Drejtësisë i ka vlerësuar veprimet e Mujecit si krime të rënda.

“Komisioni Disiplinor mori vendim për përjashtimin e Besnik Mujecit nga Lëvizja VETËVENDOSJE!Veprimet për të cilat është arrestuar Besnik Mujeci janë krime të rënda dhe institucionet e drejtësisë ndaj tij dhe të tjerëve, duhet të japin dënimet maksimale! Njerëz të tillë nuk kanë vend në Lëvizje.”, ka shkruar Haxhiu.

Vendimi për përjashtimin e Besnik Mujecit nga strukturat e VV-së erdhi pas arrestimit të tij nga Policia e Shqipërisë nën dyshimin për transport të drogës nga Prishtina në Tiranë./Arbresh.info

LVV përjashton Mujecin nga anëtarësia dhe strukturat e partisë