Pas 1 orë e 30 minuta ka përfunduar takimi i Lëvizjes Vetëvendosje.

Në këtë takim deputetët e rinj besohet të jenë  informuar nga kryetari i Vetëvendosjes, Albin Kurti rreth takimeve me LDK-në si dhe rreth seancës konstituive e cila do të mbahet nesër.

Pas takimit asnjë nga deputetët nuk kanë pranuar të flasin ndonëse duke u larguar Glauk Konjufca ka thënë se do të tregohet i tërë diskutimi përmes një komunikate për media.

” Do informoheni me vonë përmes një komunikate”, ka thënë ai.

Ndërsa Albulena Haxhiu ka thënë se nuk beson se do të ketë takim mes VV-së e LDK-së gjatë ditës së sotme, raporton  arbresh.info

“Nuk besoj se do të ketë takim sot”, ka thënë ajo.

E asnjë nga deputetët nuk kanë dhënë detaje nëse në këtë takim është vendosur për marrëveshjen mes LDK-së.

Kujtojmë se nesër do të mbahet seanca konstituive e Kuvendit të Kosovës.

Tash kur kanë mbetur më pakë se 24 orë deri në fillimin e kësaj seance dy partitë VV e LDK ende nuk kanë arritur marrëveshje shkaku i postit të Presidentit./arbresh.info/

Fillon takimi i Kurtit me deputetët e tij