Kosta Keçmanoviq (13), djaloshi që vrau tetë bashkëmoshatarë të tij dhe rojtarin e shkollës dy ditë më parë në Beograd planifikoi vrasjen masive në detaje dhe gjithashtu hulumtoi se si të shmang burgun, ka treguar  ekspertiza mjeko-ligjore e telefonit të tij.

Siç u konstatua, 13-vjeçari kishte një muaj që planifikonte një vrasje masive dhe nga këqyrja e telefonit të tij u konstatua se menjëherë para krimit, ai ka kërkuar në internet Kodin Penal të Serbisë për të hetuar nëse fëmijët mund të mbajë përgjegjësi penale, raporton mediumi serb Blic.

“Në bazë të hetimeve, është konstatuar se sulmin në shkollë e ka organizuar tani sepse e dinte se i kishin mbetur edhe pak më shumë se 2 muaj deri në ditëlindjen e tij të 14-të dhe se i kishte mbetur edhe aq kohë për të qenë penalisht i papërgjegjshëm nëse do të ka kryer veprën penale”, thotë një burim i Blic.

Gjithashtu, siç u konstatua, Kosta Keçmanoviq pa një film amerikan për një masakër në shkollë në Amerikë një natë para vrasjes masive.