Dy vetura me targa serbe janë përfshirë nga zjarri sot në rrugën “Kral Petri” në veri të Mitrovicës.

Lajmin e ka konfirmuar për Arbresh.info zëvëndësdrejtori i Policisë së Kosovës për rajonin e Veriut, Veton Elshani.

Ai thotë se vetura e tipit Scoda është përfshirë komplet nga zjarri, zjarr ky i cili e ka kapluar edhe veturën tjetër të tipit Mercedes.

Elshani ka thënë se aktualisht s’ka të dyshuar.

“Sot më date 01.06.2024 rreth orës 02;25 ne rr.kral Petri Veri Mitrovice veturën e tipit Skoda Octavia ngjyre e kuqe me targa Serbe ishte perfshire komplet nga zjarri dhe ky zjarr e ka kapluar edhe veturën e tipit Mercedes C clas ngjyre e zeze me targa serbe. Në vendngjarje kanë dalë zjarrëfikësat qe e kanë lokalizuar zjarrin. Eksperti i zjarrit dhe Hetuesi kujdestar e ka njoftuar Prokurorin Kujdestar i cili ka udhëzuar qe rasti te inicohet ,, zjarrëvënie’’. Te dyshuar per momentin nuk ka”, ka deklaruar Elshani./Arbresh.info