Avdullah Hoti, ministri i Financave ka thënë se për procedimin e Demarkacionit në Kuvend janë koordinuar edhe me Shtetet e Bashkuara të Amerikës.

“Lidhja Demokratike është partneri më kredibil i SHBA-s, ne do ta procedojmë të hënën në Kuvend, për këtë jemi koordinuar edhe me amerikanët”.

Ai ka thënë se për Demarkacionin, ata i kanë votat.

“Ne i kemi votat, Këshilli i Përgjithshëm na ka mbështetë unanimisht”.

“Të gjithë deputetët duhet të reflektojnë për Demarkacionin, sepse për këtë çështje jemi dakord edhe me ndërkombëtarët”.

Hoti këto komente i ka bërë nga Londra në një lidhje direket për Klan Kosova. Ai atje është duke qëndruar me kryeministrin Isa Mustafa, ku gjatë ditës edhe kanë nënshkruan Memorandumin e Mirëkuptimit me BERZH-in.

Dokumenti i përgatitur nga vetë Hoti, ofron mundësi të financimit të sektorit privat, të bujqësisë dhe të bizneseve të grave dhe të të rinjve.