Pas hyrjes në fuqi të rregullave të reja të Ligjit të Komunikacionit, Policia e Kosovës duket se është bërë edhe më e rreptë sesa që ishte.

Sipas një njoftimi për media Policia e Kosovës ka thënë se në kuadër të autorizimeve dhe kompetencave gjatë periudhës kohore 01.01.2018 deri 16.01.2018 janë identifikuar një numër i konsiderueshëm i kundërvajtësve, ndaj të cilëve janë ndërmarrë të gjitha veprimet të cilat dalin nga ligjet, transmeton Arbresh.info.

Në periudhën 1deri më 16 Janar 2018 15092 gjoba.

Numri i përgjithshëm i gjobave 15092. Gjoba deri në 500 euro (persona fizikë) gjithsej 14230. Gjoba deri në 1000 euro (persona juridikë) gjithsej 6. Gjoba për gjykatë 856.

Ndërsa numri i gjobave të shqiptuara që janë paraparë pikë negative janë gjithsej 515.

Policia e Kosovës përmes këtij njoftimi ka apeluar tek të gjithë pjesëmarrësit në trafikun rrugor që të rritet vigjilenca, të shtohet kujdesi në respektimin e rregullave që dalin nga ligjet e trafikut, për të garantuar një siguri më të madhe, me qëllim të shmangies së aksidenteve rrugore në tërësi e në veçanti të atyre me pasoja fatale.

Në të kundërtën, në këtë njoftim thuhet se Policia e Kosovës, edhe pse nuk ka qëllim primar ndëshkimin, për të gjithë pjesëmarrësit në trafikun rrugor që bien ndesh me ligjet e trafikut do të vazhdojë të aplikojë ndërmarrjen e masave ligjore./Arbresh.info