Pengmarrësi i sinagogës në Teksas ishte britanik

17:12 | 16 Janar 2022

Një pengmarrës që ndaloi katër persona në një sinagogë në një periferi të Dallas, Teksas, ishte një shtetas britanik, thonë raportet.

Burri ndërpreu shërbimin e mëngjesit në Colleyville të shtunën dhe që atëherë ka vdekur, shkruan bbc

Policia vendosi ekipe speciale të armëve, ndërsa negociatorët e FBI kaluan orë të tëra duke biseduar me sulmuesin e dyshuar.

Shpërthime dhe të shtëna armësh mund të dëgjoheshin përpara se të përfundonin negociatat 10-orëshe.

Për fat të mirë, pengjet janë liruar të palënduar.

Në një deklaratë, Ministria e Jashtme e Mbretërisë së Bashkuar tha se ishte në dijeni për vdekjen e një britaniku në Teksas dhe ishte në kontakt me autoritetet lokale. Nuk dihet ende se si ka vdekur pengmarrësi apo kush ishte.

Nga katër personat e marrë peng ishte edhe rabini i sinagogës, sipas raporteve të mediave amerikane.

Shpërndaje në rrjete sociale

Lajmet më të lexuara