Ministri i Bujqësisë, Faton Peci ka bërë të ditur se Kosova dhe Polonia së shpejti do të bëhen me protokoll të bashkëpunimit në fushën e bujqësisë.

Me anë të një postimi në Facebook, Peci tha se gjatë vizitës zyrtare në Poloni ka pasur takim me Sekretarin e Shtetit për Bujqësi Michał Kołodziejczak.

Sipas tij, në këtë takim, kanë shqyrtuar perspektivat e bashkëpunimit në disa fusha kyçe të cilat janë në interes të të dyja vendeve tona, shkruan Arbresh.info.

“Shqyrtuam si mundësi për të hapur rrugën për importin e drithërave, për të ndërtuar lidhje të forta në nivel akademik, për të ndarë njohuritë dhe përvojën në përmirësimin e cilësisë së farërave, dhe për të gjetur rrugë efikase për të rritur eksportin e produkteve të Kosovës në tregun polak dhe në zonat përreth tij.”, shkroi ai.

“Ky është një hap pozitiv për zhvillimin e bujqësisë së vendit tonë!”, përfundoi ministri Peci./Arbresh.info/