Dega e PDK-së në Prishtinë ka kritikuar qeverisjen e Vetëvendosjes në këtë komunë duke thënë se ajo po lëshon leje ndërtimi në bazë të interesave personale e politike.

Laura Zherka, asamblise e kësaj partie në komunën e Prishtinës tha se ‘klani’ i Vetëvendosjes i mohon të drejtën në mënyrë selektive qytetarëve për të marrë leje ndërtimi.

Ajo ka përmendur disa raste ku sipas saj qeverisja e Shpend Ahmetit ka vepruar në mënyrë të kundërligjshme, shkruan arbresh.info.

“Gjithë gojën e kanë barazi deri sa janë kampion të pabarazisë. Kemi rastin në Rrugën B ku administrata e Shpend Ahmetit lëshon leje ndërtimi në hapësirë gjelbëruese, në kundërshtim me planin rregullues. Një tjetër rast është në Lagjen Lakrishtë ku në një hapësirë prej 500 metra katrorë, qytetarit nuk i lëshohet leja e ndërtimit kurse një investitori tjetër, me të njëjtat kushte i lejohet”, ka thënë ajo./arbresh.info/