Ashtu si në komunat tjera të Kosovës edhe në komunën e Drenasit ka filluar ardhja e mërgimtarëve për pushimet verore,  shkruan arbresh.info

Me ardhjen e mërgimtarëve në këtë komunë vështirësohet qarkullimi i veturave dhe hapësirat për parkingje, pasi që ka fluks të madh të veturave e shpesh herë ata detyrohen që  t’i parkojnë edhe në rrugë gjë që sjellë problem për  kalimtarët.

Asamblisti nga kjo komunë i cili ka kaluar në Nisma për Kosovën Vehbi Berisha përmes një  statusi në rrjetin social facebook  ka treguar tri mundësi që do ta rregullonin përkohësisht problemin e parkingjeve.

“Komuna e Drenasit mund të lëshoj pjesën e asfaltuar të stacionit të ri të autobusëve në shërbim për parkingje (pse jo mund të jetë edhe me pagesë), po ashtu edhe pjesa e cila ndodhet tek ish-stacioni i vjetër i autobusëve afër rrethit edhe ajo pjesë pse mos të përdoret për parking sidomos në këta dy muaj, si dhe zgjidhja tjetër e cila duhet të mendohet seriozisht për të ardhmen, të behët zgjidhje duke ofruar parkingje private siç bëhet po thuajse në shumicën e qyteteve të Kosovës” ka thënë ai

Më poshtë mund ta lexoni statusin e tij të plotë:

Të nderuar qytetarë të Drenasit, duke qenë se këto ditë është edhe koha kur mërgimtarët tanë vinë për pushime nga diaspora, e po ashtu kjo kohë është edhe sezon e dasmave si dhe përveç këtyre kemi edhe numrin e madh të veturave në Drenas (gjithnjë në rritje), ku Komuna e Drenasit ka dështuar të ofroj hapësirë të nevojshme për qytetaret e vet të destinuar për parkingje. Komuna e Drenasit ka dështuar të menaxhoj si duhet çështjen e parkingjeve sepse edhe për ketë çështje ka zgjidhje, por nuk janë të aftë ta bëjnë këtë, e sidomos në ketë kohë kur fluksi i makinave është tejet i shtuar.

Janë tri mundësi të ofrohet zgjidhja e përkohshme (sezonale) derisa të ndërtohen parkingjet e përhershme, si në vijim: Komuna e Drenasit mund të lëshoj pjesën e asfaltuar të stacionit të ri të autobusëve në shërbim për parkingje (pse jo mund të jetë edhe me pagesë), po ashtu edhe pjesa e cila ndodhet tek ish-stacioni i vjetër i autobusëve afër rrethit edhe ajo pjesë pse mos të përdoret për parking sidomos në këta dy muaj, si dhe zgjidhja tjetër e cila duhet të mendohet seriozisht për të ardhmen, të behët zgjidhje duke ofruar parkingje private siç bëhet po thuajse në shumicën e qyteteve të Kosovës. Amo problemi kryesor është se këto parkingje nuk bëhen vetvetiu por ata që paguhen për ketë, e që fatkeqësisht paguhen prej taksave tona duhet me mëndu dhe me punu shumë ma seriozisht në ketë drejtim. Prandaj e kam një apel për Policinë tonë, që të kenë mirëkuptim bile për mërgimtarët tanë sepse me të vërtet ata ma së paku kanë faj.

Vehbi Berisha – Asambleist në KK Drenas