Në stacionin e autobusëve në Prishtinë dyshohet për një mjet shpërthyes.

Policia e Kosovës ka dhënë detaje lidhur me dyshimet për bombë tek Stacioni i Autobusëve në Prishtinë.

Zëdhënësja e policisë për rajonin e Prishtinës, Flora Ahmeti ka thënë për arbresh.info, se rreth orës 14:00 kanë pranuar një telefonatë anonime.

Ajo më tej tha se personi që ka telefonuar, deklaroi se ka vendosur mjete shpërthyese në Stacion.

“Rreth orës 14:00, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë. Menjëherë policia ka ndërrmarë të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që   janë angazhuar njësitet përkatëse për trajtimin e informatës”, tha Ahmeti. /arbresh.info/

Shiko pamje LIVE

LEXO EDHE: 

Policia: Morëm një telefonatë anonime se janë vendosur mjete shpërthyese në stacionin e Autobusëve