Pal Lekaj ka hapur ceremoninë e inaugurimit të Autostradës “Arbën Xhaferi” Prishtinë – Hani i Elezit.

“Madhështore nga sot e tutje, është e hapur zyrtarisht. Kjo autostradë i hapë rrugë Kosovës drejtë korridorit 10. Rreth nëntë mijë punëtorë nga 900 kompani u angazhuan në ngritjen e këtij gjiganti infrastrukturor. Me dhimbje kujtojmë ata që fatëkeqësisht kanë humbur jetën në vendin e punës,” është shprehur Lekaj, shkruan arbresh.info.

Ai premton se autostradat “Arbën Xhaferi” e ajo “Ibrahim Rugova” do të përmbyllen me autostradën e Dukagjinit, por nuk ka përmendur edhe atë të Gjilanit.

“Do të ndërtojmë rrugë në drejtim të Mitrovicës e Podujevës. Uroj që kjo autostradë t’i shërbëjë qyetarëve pa aksidente,” është shprehur Lekaj.

Të pranishëm në ceremoni janë krerët e shtetit, kryeministrat e Malit të Zi dhe Maqedonisë, zyrtarë të lartë shtetërorë vendor dhe të huaj, dhe qytetarë të shumtë./arbresh.info/