Kryetari i Aleancës Kosova e Re, (AKR Behgjet Pacolli, ka thënë pas aterimit të tij në Prishtinë se është ndjerë i frikësuar se shteti mund të kryejë “ndonjë akt terrorist” mbi të, andaj vendosi të ateronte në Tiranë.

“Unë herën e parë jam frikësuar prej institucioneve të shtetit tim se mund të kryejnë një akt  terrorist në aeroplanin tim dhe kam ateruar në Shqipëri”, u shpreh Pacolli.

“Kam pasur presion të madh. Lojërat politike prej që vendosa të kthehem në Kosovë krijonin presion të madh”, tha ai

Ai, tha se nuk i pëlqeu fare një postim i kryeministrit në detyrë, Albin Kurti, ku ai e ftonte në debat.

“Postimi i zotit Kurti nuk më ka pëlqyer, ku më ka thirrur në konfrontim dhe unë në anën tjetër me policinë. Unë nuk jam kriminel. Çdo punë që e kam bërë për këtë shtet meritoj respekt. Unë jam qytetar i botës dhe kam zgjedhur të jetoj në Kosovë. Këtu dua të vazhdojë jetën dhe këtë të drejt nuk ia lë askujt të ma cenoj”, tha ai./arbresh.info