Kreu i Aleancës Kosovës e Re (AKR), Behgjet Pacolli ka përkujtuar sot 60 dëshmorët e rënë në luftën çlirimtare të Brigadës “153”.

Pacolli përmes Facebook, ka shkruar se guximi dhe sakrifica e tyre si të gjithë ushtarët e Ushtrisë Çlirimtare të Kosovës mbetet një frymëzim për rrugën tonë për ndërtimin e një shteti që nuk do të lejojë të përsëriten tmerret e së kaluarës, por e ardhmja jonë të ndërtohet më mirë, më e ndritshme dhe më e prosperuar për të gjithë.

Statusi i plotë:

Sot përkujtojmë heronjtë e Brigadës 153 të Zonës së Gollakut të Ushtrisë Çlirimtare të Kosovës. Brigada “153” kishte 60 dëshmorë të rënë në luftën për çlirim.

Guximi dhe sakrifica e tyre si të gjithë ushtarët e Ushtrisë Çlirimtare të Kosovës mbetet një frymëzim për rrugën tonë për ndërtimin e një shteti që nuk do të lejojë të përsëriten tmerret e së kaluarës, por e ardhmja jonë të ndërtohet më mirë, më e ndritshme dhe më e prosperuar për të gjithë. Nuk do ta harrojmë kurrë guximin e tyre, nuk do të harrojmë kurrë që ata sakrifikuan jetën që ne sot të jetojmë të lirë dhe në pavarësi. Nuk ka asnjë rast në histori si ushtarët e Ushtrisë Çlirimtare të Kosovës që pa asgjë morën armët kundër njërës prej ushtrive më të fuqishme në Evropë. Mbetet ende sot si ushtria më e suksesshme guerile në historinë botërore që bëri një aleancë me NATO-n. Sepse lufta jonë ishte në të njëjtat vlera si NATO për liri dhe kundër shtypjes