Ish-Presidenti i Kosovës, Behgjet Pacolli ka thënë se qytetarët e Hajvalisë mbrëmë konfirmuan se Koalicioni për Familje, është për secilën familje kosovare – për një të ardhme më të sigurt.

Me anë të një postimi në Facebook, ai tha se mikpritja e qytetarëve e ka ndëruar shumë, shkruan Arbresh.info.

“Mbrëm, në Hajvali, mikpritja e përzemërt nga qindra qytetarë, me të cilët ndajmë jo vetëm lagjen ku jetojmë, por edhe rrënjët e përbashkëta nga fshati ynë i origjinës më nderoi dhe më dha kënaqësi.  Energjia dhe përkrahja e tyre më ka dhënë gjithmonë forcë dhe bindjen se jemi në rrugën e duhur. Ata edhe kësaj radhe më konfirmuan se Koalicioni për Familje, është për secilën familje kosovare – për një të ardhme më të sigurt.”, ka shkruar ai.

Pacolli tha se i ka siguruar që do të jenë gardianë të ruajtjes së familjes së shëndoshë.

“Unë i sigurova se do të jemi gardian të ruajtjes së familjes së shëndoshë. Ai që nuk e respekton shenjtërinë e familjes, ai që nuk e mbron këtë vlerë themelore të shqiptarëve, nuk duhet të ketë as votën dhe as besimin e qytetarëve. Bashkë do të fitojmë!”, shkroi mes të tjerash ai.

Ndryshe, Koalicioni për Familjen mbrëmë ka mbajtur tubim në Hajvali.

Themeluesit e Koalicionit kërkuan nga qytetarët votën e tyre në zgjedhjet e 9 shkurtit ndërsa pasqyruan plan programin në disa fusha e që në theks të veçantë janë mbështetja për nënat, arsimimi, shëndetësia, personat me nevoja të veçanta etj./Arbresh.info/

LEXO EDHE:

Behgjet Pacolli ofron mbështetje për Koalicionin për Familjen, kërkon votën nga qytetarët në Hajvali