Pacolli kujton kohën kur ishte në Kabul dhe kishte ndërmjetësuar në lirimin e disa pengjeve

19:26 | 18 Shkurt 2025
K.B

Ish presidenti i Kosovës, Behgjet Pacolli, ka ndarë një fotografi të shkrepur në Kabul gjatë vitit 2004.

Pacolli thotë se fotografia është shkrepur gjatë momentit ku ka ndërmjetësuar lirimin e disa pengjeve.

“Gjatë jetës sime, kam ndërmjetësuar për lirimin e dhjetëra pengjeve, shpesh në situata të rënda dhe të rrezikshme. Kjo foto e shkrepur në Kabul në vitin 2004 është një kujtim i njërit prej atyre momenteve – një betejë me kohën, me rrethanat dhe me fatin e njerëzve të pafajshëm”, shkruan Pacolli në Facebook.

Pacolli thekson se kur je përballë këtyre situatave, nuk mendon për vështirësitë personale, por për ata që presin të kthehen te familjet e tyre.

Më tej, Pacolli tha se çdo jetë e liruar është një fitore për humanizmin./Arbresh.info/