Ish-presidenti i Kosovës dhe biznesmeni i njohur, Behgjet Pacolli, ka ndarë sot një mesazh personal dhe reflektues me ndjekësit e tij në rrjetet sociale, duke rikujtuar këshillat e gjyshit të tij dhe vlerat që i kanë shërbyer si udhërrëfyes në jetë.

Pacolli thekson rëndësinë e ndërtimit të perspektivës dhe marrëdhënieve me njerëzit, duke cituar një nga këshillat më të çmuara që i kishte dhënë gjyshi:

“Biri im, nuk do t’u pëlqesh kurrë të gjitha krijesave, por rëndësi ka që Krijuesi të jetë i kënaqur me ty.”

Sipas tij, kjo urtësi ka marrë kuptim më të thellë me kalimin e viteve, sidomos në përballje me situata dhe njerëz që, siç shprehet ai, “mbeten të verbuar nga errësira e tyre” dhe nuk tregojnë as mirënjohje, as ndjeshmëri ndaj të tjerëve.

“Ka njerëz që, pavarësisht sa i hapur dhe dashamirës je, nuk të duartrokasin kur ngjitesh, as nuk ndihen kur lëndohesh,” shkruan Pacolli.

Postimi i tij përfundon me një urim për ditën e premte, duke i dëshiruar ndjekësve të tij një ditë të mbushur me bekime./Arbresh.info