Presidenti i Aleancës Kosova e Re Behgjet Pacolli është deklaruar kundër çdo lloj fyerje, ofendimi e kërcënimi, pas komenteve të shumta gëzimi nga qytetarët për infektimin e kryetarit të LDK-së, Isa Mustafës me COVID-19.

Pacolli ka përgëzuar kryetarin e VV-së Albin Kurtin, për solidaritetin e tij njerëzor duke i uruar shërim të shpejt Isa Mustafës.

Përmes një postimi në faqen zyrtare në Facebook, Pacolli është pajtuar plotësisht me propozimin e kryetares së Kuvendit të Kosovës, Vjosa Osmanit për nevojën e miratimin konsensual të një Ligji anti-COVID dhe është deklaruar se ky propozim ka mbështetjen e plotë të partisë së tij AKR-së.

Gjithashtu në postim është përmendur edhe kryeministri Avdullah Hoti, të cilit Pacolli i këshillon që të shkoj i përgatitur në negociatat me Serbinë dhe të ketë me vete një grup ekspertësh dhe thirrja e presidentit Hashim Thaçi në Hagë të përdoret si një forcë në negociata.

Postimi i tij i plotë:

https://www.facebook.com/behgjeti/posts/10163715752070153