Delegacionit prej nëntë anëtarësh për bisedimet me Serbinë në Uashington ka arritur gjatë së hënës.

Burimet e Arbresh.info, bëjnë të ditur se nuk është zhvilluar asnjë takim deri më tani.

“Takimi i vetëm që është planifikuar të mbahet është me Demokrati Eliot Engel të enjten edhe atë një darkë pune. Ende nuk është bërë as e ditur agjenda e takimit dhe se të gjithë janë duke qëndruar në hotel”, ka thënë një nga personat që është pjesë e delegacionit për arbresh.info.

Ani pse kanë udhëtuar 5 ditë më herët ekipi nga Kosova nuk janë deklaruar asnjë për rrjedhën e takimeve.

Nuk janë bërë as të ditura arsyet pse kanë udhëtuar 5 ditë më herët.

Ndryshe takimi kryesor do të mbahet të premten, më 4 shtator, në Shtëpinë e Bardhë.

E, në këtë takim do të hy vetëm kryeministri Avdullah Hoti dhe Koordinatori i dialogut Skender Hyseni.

Ky është ekipi i delegacionit:

Kryeministri Avdullah Hoti

Ministri i Drejtësisë Selim Selimi (AAK)

Ministrja e Jashtme Meliza Haradinaj (AAK)

Ministri i infrastrukturës Arban Abrashi (LDK)

Zëvendëskryeministri Driton Selmanaj (LDK)

Zëvendëskryeministrja Albulena Balaj Halimi (Nisma)

Koordinatori për dialog Skënder Hyseni

Shefja e stafit, Ardita Dushi