Presidentja e Republikës së Kosovës, Vjosa Osmani, ka zhvilluar sot një takim në Washington D.C. me Ndihmës Sekretarin e Shtetit në detyrë, Brendan Hanrahan.

Osmani njoftoi se në këtë takim u ritheksua përkushtimi i ndërsjellë për thellimin e partneritetit strategjik ndërmjet Kosovës dhe Shteteve të Bashkuara të Amerikës.

“Në Departamentin e Shtetit në Washington D.C., takova Ndihmës Sekretarin e Shtetit në detyrë, Brendan Hanrahan, me të cilin ritheksuam përkushtimin tonë për thellimin e partneritetit strategjik midis Kosovës dhe Shteteve të Bashkuara. Kosova është e gatshme ta avancojë bashkëpunimin me SHBA-të në fusha kyçe si mbrojtja, ekonomia, si dhe investimet strategjike me interes të ndërsjellë. Qëndrojmë krah për krah me SHBA-të në vlera, në vizion dhe në veprim”, tha Osmani./Arbresh.info