Osmani takon kryeministrin belg, e falënderon për mbështetjen ndaj Kosovës

13:12 | 9 Nëntor 2024
K.B

Në vazhdën e takimeve të shumta në Budapest, presidentja e Kosovës Vjosa Osmani ka takuar edhe kryeministrin e Belgjikës, Alexander De Croo.

Osmani bën të ditur se atij i ka shprehur mirënjohje për mbështetjen e palëkundur të Belgjikës për Kosovën.

“Në samitin e Komunitetit Politik Evropian, pata kënaqësinë të takohem edhe me kryeministrin belg Alexander De Croo, të cilit i shpreha mirënjohje për mbështetjen e palëkundur të Belgjikës për Kosovën. Gjithashtu, theksova rëndësinë e përmbylljes me sukses të procesit të anëtarësimit të Kosovës në Këshillin e Evropës dhe heqjes së masave ndaj Kosovës si një hap i domosdoshëm për të përparuar në rrugën tonë evropiane”, shkroi Osmani në Facebook./Arbresh.info/