Presidentja e Kosovës Vjosa Osmani dekoroi Christopher Hyland për angazhimin dhe kontributin e tij për pavarësinë e Kosovës, raporton arbresh.info.

Ndryshe, Christopher Hyland, është njeriu që prezantoi komunitetin shqiptar me kandidatin për president, Bill Clinton, në vitin 1992.

Kujtojmë se kryetarët e Rrjetit të Bizneseve të Diasporës Shqiptare në Botë, janë mbledhur në Prishtinë, dhe po shohin mundësitë për të investuar në Kosovë,e ku para vetes kanë një agjendë me shumë takime  e vizita.

E të mërkurën, Hyland do të dekorohet nga Universiteti i Prizrenit ‘Ukshin Hoti’ me titullin Doktor Honoris Causa.

Po ashtu ata do të takohen me prodhues kosovarë për t’i dalë në ndihmë, dhe për të parë mundësitë e bashkëpunimit me ta.

Në kuadër të aktiviteteve, ish-presidenti i Kroacisë, Stipe Mesiq, do të shpallet qytetarë nderi i Prizrenit.

Ndërsa në ditën e fundit të aktiviteteve, biznesmenët shqiptarë të diasporës do të takohen edhe me ambasadorin amerikan, Jeffrey Hovenier./arbresh.info/

Biznesmenët shqiptarë të diasporës mblidhen në Prishtinë, të interesuar për të investuar në Kosovë