Presidentja e vendit, Vjosa Osmani gjatë qëndrimit në Kopenhagë të Danimarkës është takuar me kryeministren e Islandës, Kristrún Frostadóttir.

Me anë të një postimi në Facebook, Osmani bëri të ditur se i ka shprehur mirënjohjen për mbështetjen që Islanda i ka dhënë Kosovës në forcimin e pozitës sonë ndërkombëtare, përcjell Arbresh.info.

“Në takimin me Kryeministren e Islandës, Kristrún Frostadóttir, shpreha mirënjohjen për mbështetjen e palëkundur që Islanda i ka dhënë Kosovës në forcimin e pozitës sonë ndërkombëtare, në veçanti për procesin e anëtarësimit në Këshillin e Evropës”, ka shkruar Osmani.

“Biseduam gjithashtu për projekte me interes të ndërsjellë dhe për mundësitë e avancimit të bashkëpunimit ndërmjet dy vendeve tona”, tha Osmani./Arbresh.info