Osmani shtron iftar për BIK-un, të ftuar Kurti e Konjufca

22:21 | 11 Maj 2021
Arditë Shkodra

Kryeministri i Kosovës, Albin Kruti ka ngrënë iftar së bashku me presidenten Vjosa Osmani, kryeparlamentarin, Glauk Konjufca dhe me udhëheqësit e Bashkësisë Islame të Kosovës (BIK).

Kryeministri Kurti këtë e ka bërë të ditur përmes një postimi në llogarinë e tij në Facebook, ku ka treguar se ky iftar u shtrua nga presidentja Osmani, transmeton arbresh.info

“Muzgu i ditës së sotme na gjeti të bashkuar në iftarin e shtruar nga Presidentja e Republikës së Kosovës, Vjosa Osmani, ku së bashku me udhëheqësit e Bashkësisë Islame të Kosovës të prirë nga Myftiu Naim Tërnava, ishim të ftuar unë dhe Glauk Konjufca, Kryetar i Kuvendit të Kosovës”, ka shkruar Kurti

Këtij postimi kryeministri ia ka bashkangjitur edhe disa fotografi.

“Ramazani na rikujton t’i vendosim nevojat e të tjerëve para tonave ndërsa vlerat islame të dhembshurisë dhe bujarisë”, ka shkruar tutje Kurti./arbresh.info/

Postimi i tij i plotë:

Muzgu i ditës së sotme na gjeti të bashkuar në iftarin e shtruar nga Presidentja e Republikës së Kosovës, Vjosa…

Posted by Albin Kurti on Tuesday, May 11, 2021

Muzgu i ditës së sotme na gjeti të bashkuar në iftarin e shtruar nga Presidentja e Republikës së Kosovës, Vjosa Osmani, ku së bashku me udhëheqësit e Bashkësisë Islame të Kosovës të prirë nga Myftiu Naim Tërnava, ishim të ftuar unë dhe Glauk Konjufca, Kryetar i Kuvendit të Kosovës.

Duke qenë një kohë bamirësie dhe përsiatjeje shpirtërore, Ramazani na rikujton t’i vendosim nevojat e të tjerëve para tonave ndërsa vlerat islame të dhembshurisë dhe bujarisë marrin edhe më shumë kuptim në situatën aktuale me COVID-19.

Uroj që Ramazani i ardhshëm të na gjejë mirë, shëndetplotë e në paqe!

Të gjithë besimtarëve e besimtareve u uroj agjërim të pranuar!