Osmani: Sa më shumë deklarata politike për Specialen, aq më shumë mund t’i bëjmë dëm të akuzuarve

23:03 | 11 Dhjetor 2020

Ushtruesja e detyrës së presidentit, Vjosa Osmani, ka thënë se deklaratat politike lidhur me gjykimin e ish-krerët e UÇK’së, po i dëmtojnë më së shumti këta të fundit.

U.d. e presidentit këto deklarata i ka bërë në një intervistë në RTK, teksa ka thënë se favori më i madh që mund t’iu bëhet të akuzuarve nga Specialja është që figurat politike të mos përzihen në çështje drejtësie.

“Sot ne besoj që thjesht duhet ta kuptojmë se ka qenë akt i Kuvendit të Kosovës dhe mendoj që ne sa më shumë si politikanë bëjmë deklarata politike, për situata juridike, aq më shumë mund t’i bëjmë dëm rasteve të cilave janë duke trajtuar. Favorin më të madh që mund t’i jepim si shtet procesit është që politikanët të mos përzihen në çështje të drejtësisë. Kosova nuk ka asnjë arsye të fshihet nga e vërteta”, ka thënë ajo.

 

Shpërndaje në rrjete sociale

Lajmet më të lexuara