Osmani premton mbështetje për bujqit: Janë zemra e prodhimit tonë ushqimor

15:45 | 21 Shtator 2025
E.H

Kandidati i LDK-së për kryetar të Fushë Kosovës, Besnik Osmani ka vizituar fermën e Burim Gashit në Vragoli.

Me anë të një postimi në Facebook, Osmani premtoi mbështetje të vazhdueshme për bujqit, transmeton Arbresh.info.

Postimi i plotë:

Sot vizitova fermën e Burim Gashit në Vragoli.

Burimi vjen nga një familje me 40 vite përvojë familjare në këtë zanat dhe është furnizues i shumë mishtoreve në mbarë Kosovën.

Me bika shumë të shëndetshëm dhe një pastërti të jashtëzakonshme në çdo pjesë të fermës, Burimi tregon punën, përkushtimin dhe profesionalizmin e gjatë të tij, duke punuar mbi 100 hektare të arave të komunës sonë dhe duke e zgjeruar fermën nga vetëm 5 krerë në mbi 55 krerë.

Ne mbetemi të përkushtuar të vazhdojmë mbështetjen për bujqit tanë dhe të jemi pranë tyre çdo herë, sepse ata janë zemra e prodhimit tonë ushqimor./Arbresh.info