Osmani kërkon drejtësi për masakrën e 3-4 shkurtit të vitit 2000 ndaj shqiptarëve në veri të Mitrovicës

18:00 | 3 Shkurt 2023

Presidentja e Kosovës, Vjosa Osmani ka përkujtuar 23-vjetorin e dy ditëve të tmerrit në pjesën veriore të Mitrovicës.

“Dhjetë qytetarë shqiptarë të vrarë, në mesin e të cilëve fëmijë, gra e pleq nga banda të armatosura serbe, 25 të plagosur ndërmjet 3-4 shkurtit të vitit 2000, sikurse edhe 1664 familje të dëbuara me gati 12 mijë anëtarë nga pjesa veriore e Mitrovicës, mishërojnë kujtesën dhe nevojën për drejtësi”, thuhet në njoftim.

Në 23-vjetorin e ditëve të tmerrit në këtë pjesë, Osmani ka thënë se thirrja për drejtësi është nderim për të vrarët, të plagosurit dhe të dëbuarit.

“Qoftë i përhershëm kujtimi për viktimat e drejtësia synim i vazhdueshëm deri në vënien e autorëve para përgjegjësisë”, thuhet në njoftimin nga presidenca./arbresh.info/