Presidentja e Kosovës, Vjosa Osmani, gjatë konferencës për media me homologun e saj nga Letonia, është pyetur për vërejtjet e saj ndaj draft-Statutit të Asociacionit të Komunave me shumicë serbe, që thuhet se ia ka paraqitur emisarit të ri të BE-së, Peter Sørensen.

Osmani tha se Draft-Statuti, si i tillë, nuk është në përputhje me Kushtetutën e Kosovës dhe as me standardet e Këshillit të Evropës dhe më tepër, as me aktvendimin e Gjykatës Kushtetuese të vitit 2015.

“Në detaje prezantuam vërejtjen tona sa i përket draft-Statutit të propozuar nga BE. Dhe, ky ishte takim më shumë ku u njoftua rreth qëndrimeve tona sesa që morëm qëdnrime nga ana e tij.

“Po flasim për Draft-Stautin, çështje që unë personalisht besoj që nuk janë në përputhje me Kushtetutën e Kosovës. Nuk janë në përputhje as me vlerat as me normat e BE-së, as me standardet e KiE-së pastaj. Dhe po ashtu nu kjanë në përputhje me aktvendimin e GjK-së së vitit 2015. Statuti i tillë që bie në kundërshti me këto trija, nuk ka se si të hyjë në fuqi dhe as nuk besoj që do të mund të kalonte testin në GjK-së, e cila ka vendosur standardte në shumë nga këto tema brenda draft-Statutit. Siç janë kompetencat ekzekutive e shumë çështje tjera”, tha ajo.

Ndërsa, Presidenti i Letonisë tha se dialogu është një çështje shumë e ndërlikuar dhe e ndjeshme.

“Dialogu është një gjë shumë e ndërlikuar dhe e ndjeshme, tani për tani duhet të vazhdojë dialogu, nëse krijohen parakushte të mira për vazhdimin e këtij dialogu në bazë të parimeve kyqe, atëherë ky dialog mund të prodhoj rezultate të prekshme. Ky dialog është mënyra e vetme për anëtarësimin e Kosovës dhe Serbisë ne BE dhe për të pasur rezultate duhet të dy palët të angazhohen”, tha ai./Arbresh.info