Presidentja e vendit, Vjosa Osmani qëndroi në Mauthausen të Austrisë ku së bashku me udhëheqës të tjerë botëror, kujtuan tmerrin që ndodhi aty, dhe premtuan se kjo të mos ndodh kurrë më.

Ajo tha se në 80-vjetorin e çlirimit nga forcat amerikane të këtij kampi përqëndrimi, të pranishmit ndjen peshën e kujtesës dhe forcën e betimit që ta mbrojnë paqen, dinjitetin dhe lirinë, gjithmonë.

Postimi i saj:

Në Mauthausen të Austrisë, aty ku njerëzimi njohu tmerrin, së bashku me udhëheqës të tjerë botëror, u mblodhëm për të kujtuar dhe për të premtuar sërish: Kurrë më!

Në 80-vjetorin e çlirimit nga forcat amerikane të këtij kampi përqëndrimi, ndjemë peshën e kujtesës dhe forcën e betimit që ta mbrojmë paqen, dinjitetin dhe lirinë, gjithmonë. Le të jemi zëri i atyre që nuk mund të flasin më dhe mburojë e vlerave për të cilat ata u flijuan.