Osmani në Letoni: Diskutime përmbajtësore dhe vullnet i përbashkët për bashkëpunim të thelluar

13:00 | 15 Korrik 2025
E.K

Presidentja e Kosovës, Vjosa Osmani, gjatë një vizite zyrtare në Republikën e Letonisë, është pritur nga Presidenti letonez, Edgars Rinkēvičs, me të cilin ka zhvilluar një takim përmbajtësor dhe me fokus në thellimin e bashkëpunimit dypalësh.

Presidentja Osmani falënderoi homologun letonez për përkrahjen e vazhdueshme që Letonia i ka dhënë Kosovës në çdo fazë të shtetndërtimit, si dhe për mbështetjen e palëkundur në rrugëtimin euroatlantik të vendit.

“Në takim me Presidentin e Letonisë, Edgars Rinkēvičs e falënderova për përkrahjen e jashtëzakonshme ndaj Kosovës në çdo fazë të shtetndërtimit dhe për zërin e fuqishëm në mbështetje të rrugës sonë euroatlantike. Ekonomia, siguria e fusha të tjera të interesit të ndërsjellë janë natyrshëm kapituj të rinj të bashkëpunimit mes dy shteteve tona që mbrojnë vlera të përbashkëta”, tha Osmani./Arbresh.info