Presidentja e Kosovës, Vjosa Osmani, ka deklaruar se bashkë me kryeministrin shqiptar, Edi Rama, e kanë informuar presidentin amerikan, Donald Trump, për zhvillimet në Hagë lidhur me gjykimin e ish-krerëve të Ushtrisë Çlirimtare të Kosovës, si dhe për çështjen e dialogut me Serbinë.

Osmani tha se të dy temat janë diskutuar në detaje dhe se kanë marrë garanca të fuqishme nga presidenti Trump, për të cilat e falënderoi publikisht.

“I kemi diskutuar të dyja këtp çështje. Nuk besoj se është në interesin e Kosovës nëse japim më shumë detaje rreth kësaj. Dua të siguroj se i kemi diskutuar të dyja temat dhe kemi marrë garanca të fuqishme, për të cilat e falënderoj edhe një herë presidentin Trump. Kur të vijë momenti, unë dhe kryeministri Rama do të flasim më në detaje lidhur me kçtç cështje, por e kemi informuar në detaje presidentin Trump.”, u shpreh Osmani në Klan Kosova.