Presidentja e Kosovës, Vjosa Osmani ka diskutuar për të ardhmen e Kosovës në një vizitë zyrtare në Gjermani.

Presidentja ka thënë se ideja e “Open Balkan” është e rrezikshme dhe se e vonon integrimin evropian të rajonit, shkruan arbresh.info

Osmani këtë deklaratë e bëri gjatë një diskutimi në Rrjetin për Politikë të Jashtme (DGAP), në një bashkëbisedim për të ardhmen e Kosovës me ambasadorin Wolfgang Ischinger.

Ajo tutje ka shtuar se ideja e Edi Ramës, Aleksandër Vuçiqit dhe Zoran Zaevit për “Open Balkan” është tentim për të zëvendësuar Procesin e Berlinit dhe potencon se një gjë e tillë është e pamundur dhe se nuk do të lejohet që të ndodhë.

“Open Balkan është i rrezikshëm, dhe e vonon integrimin evropian, dhe provon të zëvendësojë Procesin e Berlinit, gjë që është e pamundur dhe ne nuk do të lejojmë që të ndodh”, ka thënë  Osmani. /arbresh.info/