Osmani kujton Betejën e Çabratit: Vendosja e drejtësisë është angazhim i yni i vazhdueshëm

17:12 | 7 Maj 2024
E.G

Presidentja e Kosovës, Vjosa Osmani ka kujtuar Betejën e Çabratit.

Osmanu u shpreh se Beteja e Çabratit paraqet stoicizmin e vajzave dhe djemve të Brigadës 137 “Gjakova”, të Zonës Operative të Dukagjinit të Ushtrisë Çlirimtare të Kosovës, të cilët u vunë në mbrojtje të popullatës civile të Gjakovës nga barbaria e regjimit gjenocidal të Serbisë, shkruan Arbresh.info.

Ajo tha se në këtë betejë ranë heroikisht 26 luftëtarë të UÇK, ndërkaq forcat e regjimit gjenocidal të Serbisë vranë mizorisht rreth 100 banorë dhe rrëmbyen me dhunë mbi 300 të tjerë.

“Vendosja e drejtësisë është angazhim i yni i vazhdueshëm.”, tha Osmani.

“Qoftë i përhershëm kujtimi për të gjithë dëshmorët e UÇK-së dhe për të rënët për liri!”, përfundoi Osmani./Arbresh.info/