Osmani kërkon përkrahjen e Parlamentit të Belgjikës për liberalizimin e vizave për qytetarët e Kosovës

13:16 | 13 Janar 2021

Ushtruesja e detyrës së Presidentes së Kosovës, Vjosa Osmani, ka kërkuar mbështetjen e Parlamentit të Belgjikës rreth liberalizimit e vizave për Kosovën.

Ajo, pas takimeve me përfaqësues të Parlamentit të Belgjikës, ka shkruar se temë diskutimi në takime e saj atje ishte edhe liberalizimi i vizave, që sipas saj do ta ofronte Evropën më afër një kapitali njerëzor.

Osmani, shkruan se partneriteti i Kosovës me Belgjikën ka një rëndësi të madhe për finalizimin e procesit të integrimit të Kosovës në familjen Evropiane./arbresh.info/

Postimi i plotë:

Në Parlamentin e Belgjikes sot, në takim me Presidenten e Senatit, Stephanie D’Hose dhe Kryetaren e Dhomës së Përfaqësuesve, Éliane Tillieux i falenderova për mbështetjen që ka ofruar Belgjika për popullin e Kosovës në kohët më të vështira, si dhe për procese të ndryshme strategjike në fazën e shtetëndërtimit të vendit, duke theksuar rëndësinë e madhe që ka partneriteti i Kosovës me Belgjikën për finalizimin e procesit të integrimit të Kosovës në familjen Evropiane.

Diskutuam në veçanti edhe për rëndësinë e liberalizimit të vizave për qytetarët e Kosovës. Theksova që liberalizimi jo vetëm që do t’i mundësontë qytetarëve të Kosovës të marrin më të mirën e Evropës dhe ta sjellin atë në Kosovë, por njëherit do ta ofronte Evropën më afër një kapitali të jashtëzakonshëm njerëzor, duke folur për numrin e madh dhe përgatitjen e jashtëzakonshme të të rinjve tanë.

Lajmet më të lexuara