Pas dështimit të zgjedhjes së presidentit në Kuvendin e Kosovës, Presidentja Vjosa Osmani ka reaguar duke e cilësuar situatën si një moment të rëndë për vendin.

Osmani ka theksuar se mbrëmja e kaluar ka qenë një natë e vështirë për Kosovën dhe ka bërë thirrje për përgjegjësi politike, duke shtuar se është koha për t’i dhënë fund, siç u shpreh ajo, propagandës dhe për të vepruar në interes të qytetarëve.

“Ka ardh momenti që të japim dashni për vendin tonë, mjaft më me propagandë, me urrejtje e përçarje, e ndjellje të frikës, aty ku ka urrejtje duhet të sjellim dashni për njëri-tjetrin. Aty ku ka frikë duhet të sjellim shpresë, aty ku ka propagandë e shpifje duhet ta mbrojmë të vërtetën. Të bashkohemi në këtë mision sepse rrugët që mbyllen nga padrejtësitë gjithmonë hapen nga populli”, shtoi Osmani./Arbresh.info