Krerët e shtetit kanë bërë homazhe në Kompleksin memorial “Adem Jashari” në Prekaz për nder të Epopesë së Ushtrisë Çlirimtare të Kosovës.

Presidentja Vjosa Osmani, para mediave tha se kullat e Jasharajve u shndërruan në një simbol të një kalaje të lirisë, shkruan Arbresh.info.

Osmani ka përmendur se përveç figurës së Adem Jasharit, nuk duhet harruar fakti që dhjetëra gra e vajza janë flijuar nga po kjo familje, duke e bërë edhe më të shenjtë sakrificën e tyre.

Ajo tha se asnjëherë nuk duhet të harrojmë dhe të devijojmë nga rruga e sakrificës.

“Gjithmonë kjo rrugë dhe kjo sakrificë do të shërbjë për secilin prej nesh si dritë udhërrëfyese në forcimin e Kosovës. Kosovës e cila çdo ditë po bëhet më e fortë dhe më prosperuese për qztetarët e saj. “, u shpreh ajo.

“Lavdi gjithë heronjve të kombit, rrnoftë Ushtria Çlirimtare e Kosovës dhe Republika e Kosovës për të cilën ata e dhanë jetën”, u shpreh Osmani./Arbresh.info/