Presidentja e Kosovës, Vjosa Osmani, ka falënderuar senatorin amerikan Bob Menendez për fjalimin e sotëm në Komisionit për Marrëdhënie me Jashtë, ku u zhvillua seancë dëgjimore me temën “Vlerësimi i Politikës së ShBA-së ndaj Ballkanit Perëndimor.

Përmes një postimi në llogarinë e saj në Twitter, Osmani ka thënë se është mirënjohëse për iniciativën e tij për seancën e sotme të Komisionit për Marrëdhëniet me Jashtë, e cila sipas saj, hodhi një dritë vendimtare mbi zhvillimet në rajon.

“Një falënderim nga zemra për senatorin Bob Menendez për lidershipin e tij, angazhimin e palodhur dhe angazhimin e palëkundur ndaj demokracisë në Ballkanin Perëndimor. Mirënjohës për iniciativën e tij për seancën e sotme të Komisionit për Marrëdhëniet me Jashtë, e cila hodhi një dritë vendimtare mbi zhvillimet në rajon”, ka thënë Osmani.

Kujtojmë se sot kryetari i komisionit, Bob Menendez, ka thënë se derisa Kosovës po i bëhet presion për themelimin e Asociacionit, Serbisë nuk po i bëhet presion./Arbresh.info/

A heartfelt thank you to @SenatorMenendez for his leadership, tireless engagement & unwavering commitment to democracy in the Western Balkans.

Grateful for his initiative for today’s Foreign Relations Committee hearing, which shed a crucial light on developments in the region.

— Vjosa Osmani (@VjosaOsmaniPRKS) May 18, 2023

Lexo edhe:

Senatori Menendez: S’ka garanci që Asociacioni nuk do të jetë një Republika Sërpska