Presidentja e Kosovës, Vjosa Osmani, sot u takua me sekretarin e jashtëm të Mbretërisë së Bashkuar, David Lammy.

Pas takimit, Osmani mbajti konferencë për media ku u diskutua për bashkëpunim të ngushtë në mes të dy shteteve, shkruan Arbresh.info.

“Jam e nderuar që po takohemi serish pas më shume se dy vitesh kur ju ishit ne Kosovë, dhe pas takimeve tona në Washington D.C qe edhe këtu te diskutojmë për bashkëpunimin e ngushtë ndërmjet shteteve tona”, tha Osmani.

Tutje Osmani u shpreh se përkushtimi i Mbretërisë së Bashkuar ndaj Kosovës ka qenë i jashtëzakonshëm dhe i pandërprere nga mbështetjes e vendit tonë për çlirim pastaj në shpalljen e pavarësisë dhe forcimin e institucioneve tona.

“Sot kemi diskutuar gjerë e gjatë për thellimin e bashkëpunimit strategjik mes vendeve, jemi të përkushtuar të vazhdojmë bashkëpunimin ndërmjet institucioneve tona, tha ajo.

Krejt në fund Osmani shprehu falënderime ndaj FSK-së, sPolicisë së Kosovës dhe gjitha institucioneve tjera të sigurisë.

“Dua të shpreh mirënjohje dhe falënderime në ngritjen e kapaciteteve të FSK-së, së Policisë së Kosovës dhe gjitha institucioneve tjera të sigurisë, po ashtu diskutuam dhe për të ardhmen euroatlantike të Kosovës, një mbështetje e vazhdueshme e Mbretërisë së Bashkuar.”, tha Osmani në fund/Arbresh.info