Opozita – Veselit: Thirri mendjes, anulo seancën, ndali provokimet

16:48 | 16 Nëntor 2015
M. A.

Shefja e Grupit parlamentar të Aleancës për Ardhmërinë e Kosovës, Donika Kadaj-Bujupi gjatë një konference të jashtëzakonshme për media të tre partive opozitare ka bërë thirrje që të anulohet seanca e paraparë të zhvillohet nesër.

Bujupi edhe një herë ka kërkuar heqjen e nënshkrimeve nga marrëveshja për Asociacionin e komunave serbe të arritur me Serbinë si dhe nga ajo për demarkacionin e kufirit me Malin e Zi.

Donika Kadaj e AAK-së, Glauk Konjufca i VV-së dhe Valdete Bajrami nga Nisma, i kanë bërë thirrje kreut të Kuvendit të Kosovës, Kadri Veseli, që të anulojë seancën e ftuar për nesër.

Ata ftesën e konsiderojnë si provokim të radhës.

“Bëjmë thirrje për anulim të seancës si dhe fokusim tek heqja e nënshkrimeve”, ka thënë Kada-Bujupi.