O’Connell pas sulmeve në Londër: Të qëndrojmë të bashkuar

20:15 | 5 Qershor 2017
M. A.

Ambasadori i Britanisë së Madhe në Kosovë, Ruairi O’Connell ka falënderuar kosovarët dhe njerëzit e tjerë në diasporë për mesazhet e tyre mbështetëse pas sulmit në Londër.

Ai ka thënë se të gjithë duhet të qëndrojnë të bashkuar, dhe të mbrojnë vlerat dhe demokracinë, që kjo e keqe të përfundojë.

“Dua të falënderoj të gjithë në Kosovë dhe diasporë për mesazhet e tyre mbështetëse pas sulmit në Londër. Ne e vlerësojmë çdo njërin. Ne shikojmë trimëri dhe dhembshuri të njerëzve të zakonshëm për të na ofruar ngushëllim. Nëse qëndrojmë të bashkuar në mbrojtje të velerave, tolerancës, demokracisë, atëherë unë e di se kjo e keqe do të përfundojë”, ka shkruar në facebook O’Conell.

Nga dy sulmet terroriste në Londër mbetën të vdekur shtatë persona, kurse mbi 45 u lënduan.