Kryetari i Komunës së Skenderajt, Fadil Nura, ka takuar djaloshin e quajtur Donart Murati, i cili u bë viral me lopatën e tij, duke u përpjekur që të ndihmojë të tjerët, gjatë vërshimeve shkatërruese që kapluan Skenderajn, javë më parë.

Me anë të një postimi në Facebook, bëhet e ditur se kryetari i Skenderajt, Fadil Nura e shpërbleu djaloshin me 1,000 euro, si dhe me një mirënjohje.

“E njihni Donartin? Djaloshi hero me lopatë në dorë që po përpiqej pas vërshimeve të pastrojë rrëmujën e krijuar nga fatkeqësia natyrore, për t’u bërë inspirim i ynë dhe frymëzim i shembullit pozitiv se, pas gjithë asaj çfarë na ndodhi, ne bashkërisht do të RINGRIHEMI!”, shkroi Nura.

Një fotografi e djaloshit duke ndihmuar, po ashtu është vënë në hapësirat e zyrës së kryetarit Nura./arbresh.info