Kryeministri i vendit, Albin Kurti ka thënë se njohja e Kosovës nga Kenia na gëzon të gjithëve dhe është lajm shumë i mirë për Republikën

Me anë të një njoftimi në Facebook, ai ka falënderuar presidenten Vjosa Osmani dhe ish-presidentin Behgjet Pacolli për rolin e tyre, shkruan Arbresh.info.

“Njohja e Republikës së Kosovës nga shteti i Kenias na gëzon të gjithëve dhe është lajm shumë i mirë për Republikën.
Falënderoj presidenten e vendit Vjosa Osmani dhe ish-presidentin Behgjet Pacolli për rolin e tyre, krahas edhe të gjithë atyre që kontribuan në këtë arritje.”, ka shkruar ai.

“Mirënjohje për presidentin e Kenias William Samoei Ruto, i cili mori vendimin dhe hapin historik drejt afrimit të Kenias me Republikën e Kosovës dhe hapjes së rrugës për ndërtimin e marrëdhënieve diplomatike mes dy shteteve tona.”, ka shtuar Kurti .

“Me vullnet e gatishmëri për bashkëpunim e partneritet të ngushtë në këtë kapitull të parë të marrëdhënieve me Kenian, që urojmë të jetë jetëgjatë, i frytshëm dhe produktiv.”, shtoi mes të tjerash kryeministri Kurti./Arbresh.info/