Njëri nga 26 të infektuarit e rastit të djeshëm është punonjës shëndetësor në Gjakovë

13:08 | 24 Mars 2020
Gita

Të gjithë personat që rezultuan një ditë më parë me koronavirus nga disa komuna të Kosovës, ishin në vetëizolim.

Kështu ka bërë të ditur Instituti Kombëtar i Shëndetësisë Publike të Kosovës (IKSHPK), përmes një njoftimi publik.

Sipas këtij Instituti personi nga Gjakova që rezultoi pozitiv me koronavirus është punëtor shëndetësor.

“Nga 26 rastet e konfirmuara të gjitha janë kontakte të gjurmuara të rasteve pozitive (familjarë dhe kontakte të ngushta), të detektuara përmes hulumtimit aktiv epidemiologjik. Prej tyre 14 raste janë nga komuna e Malishevës (Llashkadrenoc, Senik, Carallukë, Damanek, Bubavec, Panorc), 11 raste nga Gjilani (Vrapqiq) dhe një punëtor shëndetësor nga Gjakova”, thuhet në njoftimin e IKSHPK-së./arbresh.info