Një shtetasi të Serbisë i vidhen gjësendet personale në kamion derisa po pushonte

10:11 | 16 Mars 2025
E.G

Një shtetas i Serbisë ka raportuar në polici se derisa ishte duke pushuar në autostradë në fshatin Lladrovc të Malishevës, i janë vjedhur gjësendet personale.

Policia në raportin 24 orësh bën të ditur se nga kamioni i janë vjedhur çanta e dorës dhe dokumente personale bankare dhe një shumë parash.

Ndërsa shtohet se i dyshuari është larguar me veturë në drejtim të panjohur.

“VJEDHJE Lladrovc, Malishevë / 15.03.2025 – NN. Ankuesi mashkull shtetas i Serbisë ka raportuar se derisa ka qenë në Autostradë është ndaluar të pushoj dhe pas pak ka vërejtur se një person i panjohur nga kamioni i ka vjedhur çantën e dorës me dokumente personale bankare dhe një shumë parash dhe me veturë i dyshuari ishte larguar në drejtim të panjohur. Rasti nën hetime.”, thuhet në raportin 24 orësh./Arbresh.info/