Gjykata Themelore në Prishtinë e ka aprovuar kërkesën e Prokurorisë për caktimin e një muaji paraburgim ndaj të dyshuarit, R.B., shtetas i Serbisë, i cili dyshohet për veprën penale të përgatitjes së vrasjes, duke u prezantuar si person zyrtar.

Lajmin për Arbresh.info e ka konfirmuar zëdhënësja e gjykatës, Mirlinda Gashi.

Sipas njoftimit të Prokurorisë, arrestimi i të dyshuarit ka ardhur pas një hetimi disamujor.

“Gjykata Themelore në Prishtinë, Departamenti për Krime të Rënda ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit në çështjen penale kundër të pandehurit R.B, për shkak të dyshimit të bazuar se ka kryer veprat penale Përgatitja e veprës penale Vrasje, Prezantimi i rremë si person zyrtar dhe veprën penale Mashtrimi. Gjyqtari i procedurës paraprake ka aprovuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit R.B, ashtu që të njëjtit i caktohet masa e paraburgimit në kohëzgjatje prej 1 (një ) muaji”, thuhet në njoftim./Arbresh.info

LEXO EDHE:

Arrestohet shtetasi i Serbisë në Fushë Kosovë, dyshohet për përgatitjen e një vrasje, prezantim të rremë dhe mashtrim