Një aksident pa pasoja ka ndodhur në qendër të Prishtinës, konkretisht te semaforët pranë Hotelit ‘Grandit’, raporton Arbresh.info.

Një veturë e cila ishte në shpejtësi, ka devijuar nga rruga për të përfunduar në trotuarë me ç’rast i rrezikoi këmbësorët dhe taksitë pranë, por për fat të mirë nuk pati të lënduar.

Arbresh.info ishte në vendin e ngjarjes ku kalimtarë të rastit rrëfyen ngjarjen. “Kjo veturë ishte me shpejtësi të madhe dhe i ka rrezikuar personat pranë dhe kalimtarët e rastit”, deklaruan disa kalimtarë për Arbresh.info.

Arbresh.info ka një prononcim nga Policia e Kosovës. “Bëhet fjalë për një vet-aksident. Ka disa dëme materiale, por nuk ka persona të lënduar”, ka thënë zëdhënësi i Policisë së Kosovës, Daut Hoxhaj.

Policia doli në vendin e ngjarjes, teksa më pas u transportua makina e vet-aksidentuar. /Arbresh.info